POW: MAC Select Cover Up Concealer

PRODUCT OF THE WEEK!

So..
كيف اكتشفت هالمنتج؟

بتوقع كلنا بنعاني من الحبوب, صح؟
<< رح اتكلم عن الحبوب بعدين ع فكرة !

أنا صراحة الحبوب نفسها مو مشكلة لأني بقدر أتخلص منها بدون كثير تعب,
بالكتير يومين وبتروح الحبة,

لكن!
مشكلتي بشرتي فاتحة كتير,
وسهلة الاحمرار..
وهالمشكلة موجودة عند الكثيرين..
فــ.. لما الحبة تخف وتبطل "بارزة"
يظل فيه مشكلة! الاحمرار أو أحيانا discoloration تتركه الحبة..

مرة كنت طالع مع وحدة بعرفها,
وكنا نحكي عن المشاكل وهالشغلات, وحكيتلها عن هالشي..
هي ما شاء الله وجهها لون موحد ومافي تصبغات- او عالاقل هيك فكرت..
حكتلي "عادي بتصيرلي كتير"
أنا استغربت لأنو بعرفها من فترة وولا مرة شفت تصبغات من محل الحبوب بوجهها..

وحظي كانت شايلة منه هالمنتج الخيالي بشنطتها!
ومن حظي كمان إنه أنا وهي نفس لون البشرة تقريباً..
جربته وتفاجأت.. مافي ولا أثر لاحمرار ولا غير احمرار!
ومن وقتها وأنا مغرم بهالمنتج.. ما اشتريته لهلأ صراحة لأني ما بحط ميك اب كتير لكن أي بنت بنصحها أكيد يكون عندها هالمنتج

خليني أحكي عنه أكتر..

اسم المنتج:
MAC Select Cover Up
من MAC
مافي داعي أعرف عن ماك بتوقع ^^!
نوع المنتج: ميك اب - كونسيلر
سعره: حوالي 65 ريال سعودي, مو متأكد بس يعني بهالسعر..
السعر شفته كتير منيح بالنسبة لنتائج المنتج
+ كثافته,
الكونسيلر كثيف كتير وشوي منه بيكفي لمنطقة كبيرة,
فما تتضايقوا من السعر إذا شفتوه كتير لأنه بيستحق متل ما حكيت.
ما بيسبب جفاف وهاد أهم شي, لأنه كتير كونسيلرز تانية جربتها سببت جفاف.
وكمان مو لازم تستخدموا شي بعده لإخفاءه, بتمتصه البشرة بسهولة وما بيترك آثار خلفه
<< طبعا لازم تتأكدوا من إنه يكون مطابق للون بشرتكم.

ما بنصح أبدا إنه الوحدة تختار اللون بنفسها, أغلب المحلات الراقية للبيع المكياج بيكون فيها خبير للمكياج,
اطلي منه يشوف بشرتك وهو اللي يختار اللون المناسب لبشرتك.

ومن مميزات المنتج كمان إنه بيخفي الاحمرار الزائد في الوجه..
<< بعرف كتير بنات بيشتكوا من الــ"satan face"
xD
الكونسيلر ممكن يفيد هالنوع من البنات ^^

أي أسئلة أنا جاهز..

;x

H